منتديات ثليجان

السلام عليكم ورحمة لله تعالى وبركاته
اهلا وسهلا والف مرحبا بك في منتديات ثليجان - منبر الحرية المسؤولة -
- نرجوا منك التغضل والتسجيل معنا -
---------------------------------
الادارة .

*=== (( ما يلفظ من قول إلا لديه رقيب عتيد )) ===*

اهلا وسهلا والف مرحبا بك في منتديات ثليجان يا : { زائر }.آخر زيارة لك .لديك 5 مشاركة.

    الاصحاب.من الشعر الشعبي الليبي

    شاطر

    بدرالدين66

    عدد المساهمات : 61
    النقاط : 131
    تاريخ الميلاد : 02/06/1966
    تاريخ التسجيل : 11/06/2009
    العمر : 51
    ذكر

    الاصحاب.من الشعر الشعبي الليبي

    مُساهمة من طرف بدرالدين66 في الأربعاء 01 يوليو 2009, 16:59

    ينشدوا واصحاب ننشد عنهم )للشاعر عمر القزون من الشعر الشعبي الليبي جميلة جدا

    اصحاب ينشدوا واصحاب ننشد عنهم ..واصحاب موتوا واصحاب نا راكنهم
    اصحاب لى عـــــزيلــــــه.. اصحاب بينه رفقت سنين طويله
    لو بغايتى ما نغيب عنهم ليلـه.. على والفوا وانا العقل ادمنهم
    ابقيس الجهد يفزع اللى نشكيلـه.. احذا محنتى ينسوا جميع محنهم
    اصحاب قدرهم عندى كبير انشيلــه.. ونطعن عدوهم قبل لايطعنهم
    اصحاب يا محلاهـــم.. ننسى همومى وين مانلقاهم
    اصحاب لاجفونى يوم لانجفاهــم ..اصحاب للشدايد والدهر خازنهم
    على خط ثابت دايماً مبداهم.. كيف الذهب صافى نقى معدنهم
    اصحاب مايجينى سو من يلاهــــم..وديمه كبير القدر سابق منهم
    اصحاب مو ساهل اردود اكفاهـــم..وعندى خزاين الارض ما يسونهم
    اصحاب منى عـــدوا..اصحاب فارقو ماعد على يردوا
    اصحاب ع الصوابع ليمنه ينعدوا..اصحاب القبور الموحشات زونهم
    اصحاب قبل كانو يعزمو ويتندوا ..اجوادهم عمار الدار فى موطنهم
    اجواد فى البعيد والقريب يعدوا ..اجواد ماخلفه اتشد رسنهم
    الدايم الله تحت التراب امتدوا .. بعد عز واجد والايام طونهم
    سافروا فاتــونى .. منشاب نارهم مازال فى مكنونى
    اصحاب وين نطريهم اتسيل اعيونى..وعلى ماجرى الانظار ما نسينهم
    اصحاب كانو من بعيد ايجونى .. عند الشدايد ماظروف لهنهم
    اصحاب فى النهار الشين صبو دونى .. فراسين ماخيل العدوا رهبنهم
    اصحاب من جديد انخاف يا مضنونى ..ان جابن الجيابات مايجيبنهم
    اصحاب كى قلتـــم .. بلا مواخذه نادم على رفقتهم
    انذال كى شبعو بدلوا خطوتهم .. انموت مالعطش عندى ولامعطنهم
    قرار واخذه قافل على فجوتهم .. حتى وهم مصابى خاطرى دافنهم
    هزازت اكتوف وكل حد يهفتم .. ويقدر العيل والمراى تشجنهم
    ماهناك غير الكذب فى سوحتم .. المرتع لى سامن عليه بدنهم
    واهم فيهـــم .. جرب ولكن فى العقاب لقيهم
    انذال غير جيهته وخطيهم ..شطب احسابه لولى وركنهم
    ولاعاد فيهم خير لانبيهم .. ولارياف يجبرنى على مسكنهم
    يغنينى الله عنهم وعن طاريهم .. ولاعاد حليبى نخلطه بلبنهم
    كلى من جناب العقل مو قانيهم .. فى كل مجمع ينطرو يلعنهم .
    منقول من منتدىلا ليبيا
    avatar
    بوعلي بلقاسم
    سبحان الله وبحمده
    سبحان الله وبحمده

    عدد المساهمات : 15
    النقاط : 1632
    تاريخ الميلاد : 09/04/1965
    تاريخ التسجيل : 18/03/2009
    العمر : 52
    ذكر

    رد: الاصحاب.من الشعر الشعبي الليبي

    مُساهمة من طرف بوعلي بلقاسم في الخميس 02 يوليو 2009, 02:12

    اصحاب قدرهم عندى كبير انشيلــه.. ونطعن عدوهم قبل لايطعنهم

    سافـــــــروا فاتـــــــــــــــــونى .. منشاب نارهم مازال فى مكنونى





    الصدق و الوفاء من شيم العظماء

    و الغــــــدر و الجفاء من لئم الجبناء

    قصيدة رائعة حقا

    بارك الله فيك



    بدرالدين66

    عدد المساهمات : 61
    النقاط : 131
    تاريخ الميلاد : 02/06/1966
    تاريخ التسجيل : 11/06/2009
    العمر : 51
    ذكر

    رد: الاصحاب.من الشعر الشعبي الليبي

    مُساهمة من طرف بدرالدين66 في الخميس 02 يوليو 2009, 03:35

    مشكور على المرور أخي بلقاسم.
    اصحاب يا محلاهـــم.. ننسى همومى وين مانلقاهم
    اصحاب لاجفونى يوم لانجفاهــم ..اصحاب للشدايد والدهر خازنهم
    على خط ثابت دايماً مبداهم.. كيف الذهب صافى نقى معدنهم

      الوقت/التاريخ الآن هو الثلاثاء 23 يناير 2018, 08:54